Lagartiño 2014

Concurso de adhesivos curso 2014-15

 E outro curso máis a Coordinadora de ENL do Salnés convocou o concurso de adhesivos para os centros da nosa comarca. Desta vez o tema escollido foi o das variedades dialectais do galego. Por suposto o seseo e a gheada gañaron por goleada. Os premiados de cada categoría foron recoñecidos coa edición da súa obra en adhesivo. Unha alumna nosa de 1ºB, Carla Bugallo, ficou finalista. Inda que non se editou o seu traballo, si que formou parte da exposición itinerante que se fixo cos mellores debuxos e lemas. 

 Eiquí vos mostramos un dos traballos que se presentaron ó concurso. A artista é Noa Núñez Allo, de 3º.

Revista "Lagartiño"

No mes de xuño do curso pasado editamos o número 14 da revista "Lagartiño". Como non foi publicada no seu momento no blog do centro, vai agora en formato PDF.

Revista "Ollos de aula"

  Como en cursos anteriores, o EDL publicou no taboleiro do centro a revista "Ollos de aula" que edita a Coordinadora de ENDL para as familias do alumnado. Nesta revista abórdanse temas relacionados coa lingua e co tratamento da educación dos rapaces orientado ós pais.

 Nesta entrada poden verse as portadas dos cinco números editados durante este curso.

 Se queredes ver os contidos, premede nesta ligazón.

Ollos de aula

V xornada da ciencia en galego

 O 5 de novembro celebramos o día da Ciencia en galego. E xa levamos cinco edicións participando na videoconferencia que organiza a Coordinadora de ENDL e que reivindica o ensino científico na nosa lingua. Este curso o tema escollido foi a linguaxe da programación de ordenadores. Na ligazón que hai abaixo ven un resumo do tratado na videoconferencia. No noso centro participou o alumnado de 3º da ESO e o profesorado de Tecnoloxía.

A ciencia da programación de ordenadores

Calendario 2014-15

Como tódolos cursos, o EDL editou un calendario escolar no que incorporamos imaxes da Arousa. Este ano o tema escollido foi a fauna do Carreirón, principalmente aves. As fotos son de Fco M. Cores, quen nolas cedeu para o calendario e para o vídeo que acompaña esta entrada.

Magosto

 Comezamos hoxe a publicar dende este blog as actividades que se van facendo no EDL do IES Illa de Arousa. Como xa levamos andado moito este curso, iremos poñendo actividades xa realizadas en datas anteriores. De primeira, unha feita no mes de novembro xunto co departamento de extraescolares, o magosto. Todo o centro participou e ademais contamos con xogos tradicionais e un grupo de música.